لاحظت إن غضب بنتي خفّ كتير، وصارت أهدى بتعاملها معنا، وبتردّد اللي بتتعلمه عن العطاء والسعادة. تعلّقت بمعلمتها وصاحباتها ومتحمسة تكمل بالمستوى الجاي.

مبهورة بحماس بنتي، بتستنى الحصة بفارغ الصبر وبتحضرها بكل حب من دون ملل، وكتير بتحب معلمتها اللطيفة.

ملك كتير مبسوطة مع مس سخاء، ومع إنها خجولة، صارت تحكي عن مشاعرها أكتر. وبناتي كتير مرتاحين مع معلماتهم وحاسين حالهم بين ناس بحبوهم.

بنتي بتحب الحصص مع مس سخاء وبتكون متفاعلة ومتحمسة كتير، ولاحظت إنه صار عندها حب أكبر للرسول ﷺ، وصارت تربط تصرفاتها فيه، وبتطلع من الحصة بطاقة وحماس.

الحمدلله، مريم صارت تحب تلعب مع أختها الصغيرة بعد ما كانت تغار منها وتتعامل معها بعنف، وهالفرق هو اللي بخليني متمسكة بالبرنامج.

آيات بتحب حصصها مع الأستاذة آلاء وبتحرص على حضورها، وبقدّر اهتمام المعلمة فيها وحرصها على فهم احتياجاتها ومساعدتها في تجاوز الصعوبات.

حلا زادت ثقتها بنفسها وقلّ غضبها، وصار تعاملها مع إخوانها أحسن، وأكتر شي فرّحني إنها صارت تلتزم بالصلاة لحالها بعد ما كنت شايفة هالشي مستحيل.

ماريا بتحب الحصص وبتزعل إذا ما قدرت تحضرها، وصارت تفكّر أكتر بتصرفاتها، وصارت تميّز بين الصح والغلط، خصوصاً بالأمور اللي بترضّي ربنا.

بناتي بحبوا الحصص وعم يستفيدوا منها، وفرقوا كتير بالوعي وطريقة الكلام، ومع تفكر، ورغم التوتر الدايم بينهم، صاروا يدافعوا عن بعض بالمدرسة ويوقفوا بصف بعض.

فيصل بيحب الحصص لدرجة إنه بيرجع من عند الجيران عشان يحضرها، وصار يربط المفاهيم ببناء الحضارة، والمعلمة أسماء ما قصرت معه، وما رح أتردد بالتسجيل بالمستوى القادم.

أسعد مستمتع بالحصص وصار هو اللي يتحمس ويجهز لها، ولاحظنا تعبير أوضح عن مشاعره ووعي ومحاسبة لنفسه وترسيخ للمفاهيم، ومتحمسين للمستوى القادم وتسجيل إخوته.

رابع سنة على التوالي وكل سنة بفرق كتير؛ صار عنده مراجعة ذاتية وتقبّل للخطأ والتزام بالصلاة، والتكرار بالمنهاج بيرسّخ المفاهيم ويساعد ببناء شخصيته، ومتحمسين للمستوى القادم.

عبدالعزيز مستمتع جداً مع المعلمة سخاء، وبيحس بصدق مشاعرها وحبها معهم وكأنهم أصدقاء إلها، لدرجة إنه حزن لما عرف إنها ما رح تكمل معهم بعد الصيف.