غاية صارت أكثر مشاركة وتجاوزت خجلها، وصارت تعلّم أخواتها اللي بتتعلمه، وتفكّر بالأمور من جوانب مختلفة وتستشعر مراقبة الله إلها. وبحبها للمعلمة فاطمة وتعلّقها فيها، زاد حبها للحصص.

هدى صارت أكثر التزاماً بالصلاة، وصارت تنتبه لتصرفاتها وتسأل إذا كانت بترضّي ربنا، حتى صارت تحاسب نفسها على التكبر وتستغفر. وأكثر شي بحبه قرب المعلمة من الأطفال واهتمامها بمشاعرهم.

لقاءات أ. براءة بتعزّز القيم اللي بنحاول نغرسها فيه بالبيت، وبلاحظ إنه فاهم ومتفاعل مع اللي بتعلمه. حلو إننا بنكمل مع بعض بتربية أبنائنا على الأخلاق.

رغم إنه بالعادة بملّ بسرعة، صار متحمس للحصص. لاحظت إنه صار أهدى وأكثر مرونة، وخفّ خجله وصار يعبّر عن مشاعره ويدافع عن نفسه بالمدرسة، وصار يتعمّق بالتفكير أكثر.

عائشة صارت تلتزم بالصلاة، وخفّ خجلها وصارت تبادر أكتر، وتكوّن صداقات وتحكي وتضحك مع البنات، وهي كتير مبسوطة بالبرنامج ومعلمتها.

أثر تفكّر بيظهر مع الوقت بتفاصيل حياتهم اليومية، بكلمة أو تصرّف بحسّسني إن اللي تعلّموه ترسّخ فيهم. وبحب أشوف محبة المعلمات واهتمامهم بالأطفال.

بتستنى الحصة بحماس، وصرت ألاحظ أثر اللي بتتعلمه على تفكيرها وتصرفاتها وطريقة نقاشها، والمعلمة كتير رائعة بأسلوبها وتعاملها مع الأطفال.

رسّولي صار تركيزه أفضل، وصار يفهم مشاعره ويشاركني إياها، ويحافظ على الأذكار. وأكثر شي فاجأني إنه بعد ما كان يخاف يحكي قدام الناس، ألقى خطبة الجمعة بمدرسته بكل ثقة وثبات، الحمدلله.