مع كل مستوى، بشوف بنتي بتكبر وبتصير شخصيتها أجمل. وأكثر شي بقدّره صبر المعلمة وحنانها وحرصها على كل طفل، حتى اللي بغيب ما بتتركه يفوته شي. بارك الله فيها وفي جهودكم.

أجمل أثر شفته على ابني إنه صار أقرب لله، يتأمل بمخلوقاته ويسأل عن عظمته، ويستشعر وجوده بحياته، وهذا زاد عنده الشعور بالأمان والرضا والثقة بالنفس. وكل الشكر للمعلمة فاطمة اللي كانت قدوة جميلة إله قبل ما تكون معلمة.

محمد صار يستحضر أسماء الله الحسنى بحياته، ويحمد الله على نعمه، وصار يدافع عن نفسه بثقة ويحرص على حسن الخلق بالبيت والمدرسة.

نور صارت أكثر جرأة وثقة بنفسها، وبتربط أسماء الله الحسنى بحياتها وبتتأمل بالنعم من حولها. وبتحب الحصص مع أ. سوزان لدرجة إنها بتزعل لما تخلص ❤️

يوسف زادت محبته لله وشعوره بعظمته، وصار لما يغلط يعتذر ويستغفر ويطلب السماح. وحتى إحنا كعيلة صرنا نتذكّر مع الحصص أمور مهمة بحياتنا.

إلينا صارت تربط أسماء الله بنعمها ومواقفها اليومية، وزادت جرأتها وصارت تعبّر عن نفسها وتحط حدودها. وحتى الصلاة صار عندها دافع إلها من نفسها الحمد لله.

الدورة رتّبت أفكاره وزادت محبته لله، وصار يستشعر وجود الله بمواقفه اليومية، ويتذكّر أسماء الله ويربطها باللي بيمرّ فيه.

المعلومات اللي بتتعلمها صارت تستخدمها بحياتها اليومية، وأثر البرنامج واضح عليها. مبسوطين ومتحمسين للمستوى القادم، وحابة كمان أسجّل ابني الصغير بالمستوى الأول.

فيروز بتحب حصص أنوس لدرجة إنها بتتمنى تكون يومية، ومبسوطة كتير مع المعلمة شيماء. وأنا كأم مبهورة بطريقة تقديم العقيدة وترسيخها عند الأطفال.